How to make mango jelly - අඹ ජෙලි

අඹ ජෙලි

අවශ්‍ය ද්‍රව්‍ය

• අඹ ගෙඩි 20 ක් පමණ
• සීනි කිලෝ 1 1/2 ක් 
• වතුර

සාදන ක්‍රමය

• අඹ සැහැගෙන ඇටය හැර මස්  කොටස කුට්ටි කපා ගන්න.
• සාස්පානකට අඹ දමා එය වැසෙන්නට ඇති තරම් වතුර වත්කර හැදි ගාමින් නටවා ගන්න.
• සාදාගත් අඹ මිශ්‍රණය මස්ලින් රෙදි කඩකින් පෙරාගෙන අඹ ඉස්ම ලීටර් එකක සීනි ග්‍රෑම් 750 ක් පමණ එකතු කරගෙන හැදි මිටේ ඇලෙන තෙක් හැදි ගාමින් නටවා ගන්න.

ජුජුබ්ස්

ජුජුබ්ස්

අවශ්‍ය ද්‍රව්‍ය 

• සීනි කිලෝ 1 යි
• වතුර මිලි ලීටර් 500 යි
• ජෙලටින් ග්‍රෑම් 200 යි
• උණු වතුර මිලි ලීටර් 100 යි
• අයිසිං අවශ්‍ය පමණ

සාදන ක්‍රමය

• සීනි හා වතුර හොදින් කලවම් කර උණු කරන්න.
• පත් පැණි තරමට උණු  වුවාට පසු හැන්දකට ගෙන එයට පිඹින විට නූල් මෙන් විහිදේ.
• මෙය ලිපෙන් බා විනාඩියක් පමණ තියන්න.
• ජෙලටින් වතුරේ දියකර පෙරාගෙන ඉහත උණු සීනි දියරයට කලවම් කරන්න.
• තැටියකට දමා ශිතකරණයේ හෝ එළියේ පැයක් පමණ තැබු විට ඝන වේ.
• පසුව ඔබට අවශ්‍ය හැඩයකට කපා ගන්න.
• එම ජුජුබ්ස් කැබලි අයිසිං සීනි හෝ කෝන් පිටිවල පෙරලා ගන්න.

ගජුර් නැත්නම් සීනි මුරුක්කු ලෙසියෙන්ම හදා ගන්න

ගජුර් - සීනි මුරුක්කු

අවශ්‍ය ද්‍රව්‍ය

• පාන් පිටි ග්‍රෑම් 250 යි
• පොල්තෙල් අවශ්‍ය පමණ
• සීනි ග්‍රෑම් 250 යි
• පදමට ලුණු
• වතුර ස්වල්පයක්

සාදන ක්‍රමය

• භාජනයකට පිටි හලාගෙන ඊට ලුණු සහ වතුර ද එකතුකර අනාගන්න.
• පිටි අතේ නොඇලෙන පදමට අනාගත් පසු ලෑල්ලකට ගෙන බෝතලයකින් තුනීකර ගන්න.
• දැන් හතරැස් කොටු හැඩයට කපා ගන්න.
• මේ කොටු තෙලේ බැදගන්න.
• සීනි උණුකර පත් පැණි පදමට එනවිට බැදගත් කැබලි ඊට එකතු කර කලවම් කර ගන්න.

පාන් ටෝස්ට්

පාන් ටෝස්ට්

අවශ්‍ය ද්‍රව්‍ය 

• පාන් පෙති
• උකු පොල් කිරි කෝප්ප 1 යි
• ගම්මිරිස් කුඩු තේ හැදි 1 යි
• මිරිස් කුඩු තේ හැදි 2 යි
• ලුණු ස්වල්පයක් හා කහ ස්වල්පයක්
• බිත්තර

සාදන ක්‍රමය

• පාන් හැර අනෙක් සියලුම දෑ බදුනකට දමා හොදින් ගසන්න.
• කපා ගත් පාන් පෙත්ත බැගින් මෙම මිශ්‍රණයේ බහා පොගවා ගන්න.
• රොටි පුච්චන තැටිය ළිප තබා රත් වු විට පාන් පෙත්ත දමා දෙපැත්ත පුලුස්සා ගන්න.

කිරි පුඩ්ං - milk pudding

කිරි පුඩ්ං

අවශ්‍ය ද්‍රව්‍ය 

• සීනි ග්‍රෑම් 100 යි
• ටින්කිරි 1/2 යි
• බිත්තර 5 යි
• මුද්දරප්පලම්, කජු මද සහ වැනිලා ස්වල්පයක්
• බටර් ස්වල්පයක්

සාදන ක්‍රමය

• ටින්කිරි උණු වතුර පයින්ට් එකක දියකර ගන්න.
• සාදාගත් ටින්කිරි ද්‍රාවණයට සීනි සහ හොදින් ගසාගත් බිත්තර ද වැනිලා ද මුද්දරප්පලම් ද එකතු කර හොදින් ගසා ගන්න.
• සුදුසු භාජනයක බටර් තවරා ඊට මිශ්‍රණය දමා ඊට කුඩුකර ගත් කජු මද උඩින් ඉසින්න.
• සුදුසු රෙදි කඩකින් භාජනයේ කට වසා පැයක් පමණ හුමාලයෙන් තම්බා ගන්න. 

පොල් පුඩ්ං / How to make coconut pudding - 2 ක්‍රමය

පොල් පුඩ්ං - 2 ක්‍රමය

අවශ්‍ය ද්‍රව්‍ය

• උකු පොල් කිරි කෝප්ප 3 යි
• බිත්තර 10 යි
• සීනි මේස හැදි 8 යි
• වැනිලා තේ හැදි 3යි
• කලරින්
• කජු මද 
• මුද්දරප්පලම්
• කපාපු පොල් මේස හැදි 3 යි (ඩෙසිකේටඩ්)

සාදන ක්‍රමය

• කජු මද කුඩා කැබලිවලට කපා,රන්වන් පැහැය වනතෙක් බැද ගන්න.
• කපාපු පොල් කබලේ රන්වන් පැහැයට බැද ගන්න.
• බිත්තර 10 කඩා බදුනකට දමා සීනි දියවෙනතුරු ගසා ගන්න.
• එය පොල් කිරි සමග කලවම් කර හොදින් ගසා ගන්න.
• එයට මුද්හාදරප්පලම් උඩින් ඉස, වැනිලා හා  කලරින් එකතු කර සුදුසු බදුනකට දමා වාෂ්පයෙන් තම්බා ගන්න.
• සකසා ගත් පසු බැදගත් කජු හා කපාපු පොල් උඩින් ඉස ගන්න.

පොල් පුඩ්ං / How to make coconut pudding - 1 ක්‍රමය

පොල් පුඩ්ං (coconut pudding) - 1 ක්‍රමය

අවශ්‍ය ද්‍රව්‍ය

• කපාපු පොල් (ඩෙසිකට් කළ පොල්) ග්‍රෑම් 250 යි
• සීනි ග්‍රෑම් 250 යි
• කලරින් බිංදු කිපයක් (ඔබ කැමති පාට තොරා ගන්න)
• වැනිලා ස්වල්පයක්
• කිරි මිලිලිටර් 250 යි
• බිත්තර 2 යි

සාදන ක්‍රමය

• කිරි හා සීනි බදුනකට දමා උණු කර ගන්න.
• ඉන්පසු බිත්තර කහ මද වෙන් කරගෙන වෙනම එය ගසා ගන්න.
• ඉන්පසු එය කිරි බදුනට දමන්න.
• ඩෙසිකට් පොල් ද එම බදුනටම දමන්න.
• වැනිලා හා කලරින් බිංදු කිපය ද මිශ්‍ර කරන්න.
• බටර් ගා ගත් තැටියකට එම සාදා ගත් මිශ්‍රණය දමා සෙන්ට්ග්‍රේඩ් අංශක 180 ක උෂ්ණත්වයක් යටතේ මිනිත්තු 45 ක් පමණ බේක් කර ගන්න. 

කැරමල් පුඩ්ං

කැරමල් පුඩ්ං

අවශ්‍ය ද්‍රව්‍ය 

• බිත්තර 05
• ටින්කිරි 01
• සීනි 250 g
• වැනිලා බිංදු කිපයක්

සාදන ක්‍රමය

• ටින් කිරි හා සීනි හොදින් මිශ්‍ර කර ගසා ගන්න.
• ඉන්පසු බිත්තර ද හොදින් ගසා ගන්න.
• ගසා ගත් බිත්තර හා කිරි හොදින් මිශ්‍ර කරන්න. මෙයට වැනිලා බිංදු කිපයක් එකතු කරන්න.
• ඉන්පසු සීනි මේස හැදි 02කට ජලය මේස හැදි 03 දමා හොදින් කැරමල් කරන්න.
• ඉන්පසු එම මිශ්‍රණය භාජනයේ සෑම තැනකම ගල්වන්න.
• ඉන්පසු සකස් කළ මිශුණය එයට දමන්න.
• ඉන්පසු එයට ජලය නොයන සේ ආවරණය කර වාෂ්පයෙන් තම්බා ගන්න. 

කොස් ඇට අග්ගලා

කොස් ඇට අග්ගලා

අවශ්‍ය ද්‍රව්‍ය

• කොස් ඇට අවශ්‍ය පමණ
• පොල් ස්වල්පයක්
• පැණි හුණ්ඩු 1/2 යි
• ලුණු රස අනුව

සාදන ක්‍රමය

• කොස් ඇට හොදින් බැද ගන්න.
• ඉන්පසු කොස් ඇටවල පොතු ඉවත් කරන්න.
• දැන් කොස් ඇට සිහින්ව කොටා ගන්න.
• පැණි ටිකක් භාජනයකට දමා එයට පොල් සහ ලුණු එකතු කර කලවම් කරන්න.
• එයට කොටා ගත් කොස් ඇට පිටි එක්කර අනා ගන්න.
• එයින් අග්ගලා සාදා ගත හැකි ය.

අල ටොෆි

අල ටොෆි

අවශ්‍ය ද්‍රව්‍ය 

• අල ග්‍රෑම් 500 යි
• සීනි ග්‍රෑම් 250 යි
• වැනිලා බිංදු කිහිපයක්
• පොල් කිරි කෝප්ප 1/2 යි

සාදන ක්‍රමය

• අල තම්බා පොතු හැර ගෑරුප්පුවකින් පොඩි කර ගන්න.
• සාස්පානක් ලිප තබා ඊට සීනි දමා පැණි වේගෙන එන විට පොල් කිරි මිශ්‍ර කර ගන්න.
• එයටම වැනිලා එකතු කර ගන්න.
• දැන් අල ද එකතු කර හොදින් හැදි ගාන්න.
• මිශ්‍රණය හැන්දේ ඇලෙන පදමට ආ විට ලෑල්ලක ඝනකමට අතුරා කැලි කපා ගන්න. 

පොල් ටොෆි

පොල් ටොෆි

අවශ්‍ය ද්‍රව්‍ය 

• පොල් ගෙඩියක පොල්
• සීනි ග්‍රෑම් 250 යි
• රෝස පාට කලරින් තේ හැදි 1/4 යි
• වැනිලා බිංදු කිපයක්

සාදන ක්‍රමය

• පොල් සිහින්ව ගා ගන්න.
• ඉන්පසු සාස්පානක් ලිප තබා ඊට සීනි දමා වතුර ඉතා ස්වල්පයක් මිශ්‍ර කර පැණි කර ගන්න.
• ඊට පොල්, කලරින් හා වැනිලා එකතු කර පත් ගාන්න.
• මිශ්‍රණය හැන්දේ ඇලෙන පදමට ආ විට ලෑල්ලක ඝනකමට අතුරා කැලි කපා ගන්න. 

කිරිටොෆි

කිරිටොෆි

අවශ්‍ය ද්‍රව්‍ය 

• ටින් කිරි 1 යි
• සීනි ග්‍රෑම් 250 යි
• කජු ග්‍රෑම් 100 යි
• වැනිලා බිංදු කිපයක්

සාදන ක්‍රමය

• ටින් කිරි හා සීනි  සාස්පානක දමා ලිප තබා නටවා ගන්න.
• කජු හා වැනිලා ද ඊට එකතු කර හැන්දේ ඇලෙන පදමට ගන්න.
• බටර් තැවරූ ලූල්ලක මිශ්‍රණයට අතුරා කෑලි කපා ගන්න. 

හත්මාලුව

හත්මාලුව

අවශ්‍ය ද්‍රව්‍ය 

• වම්බටු, අලු කෙසෙල්, ගෝවා, බණ්ඩක්කා, කජු, බෝංචි, ග්‍රීන්පීස්
• රතුලුනු ගෙඩි කිපයක්
• සුදුලුනු බීක් 3 යි
• රම්පෙ, කරපිංචා
• උලුහාල් ස්වල්පයක්
• මිටිකිරි හා දියකිරි වෙනම තබාගන්න
• කහ කුඩු ස්වල්පයක්
• තුනපහ කුඩු, මිරිස් කුඩු
• ලුණු  

සාදන ක්‍රමය

• එළවලු වර්ග හතෙන්ම සම සමව ගන්න.
• පිරිසිදු කරගත් පසු කැමති හැඩයකට කපා ගන්න.
• උලුහාල්, රම්පෙ, කරපිංචා, රතුලුනු, සුදුලුනු, කහ කුඩු, තුනපහ කුඩු හා මිරිස් කුඩු දිය කිරට එක් කරන්න.
• එළවලු ද දමා ලිප තබන්න.
• ඉදුණු පසු දියකිරි හිදිගෙන යනවිට මිටිකිරි හා ලුණු එක් කරන්න.

තල අග්ගලා

තල අග්ගලා

අවශ්‍ය ද්‍රව්‍ය 

• සුදු කැකුලු හාල් පිටි ග්‍රෑම් 500 ක්
• තල ග්‍රෑම් 100 ක්
• සීනි ග්‍රෑම් 500 ක්
• ගම්මිරිස් ඇට 4-5 ක් පමණ
• වතුර අඩු කෝප්ප 1/2 ක්

සාදන ක්‍රමය

• හාල් පිටි බැදගන්න. ඉන්පසු ගම්මිරිස් කුඩු කර ගන්න.
• ඉන්පසු බදුනකට සීනි දමා ලිප තබා පත් පැණි වනතුරු උණු කරන්න.
• එය ලිපෙන් ඉවතට ගෙන හාල් පිටි, ගම්මිරිස් කුඩු, තල ඇට දමා මිශ්‍රකර ගන්න.
• ඉන්පසු හොදින් මිශ්‍ර වු පසු අතේ බටර් ටිකක් ගාගෙන  මිශ්‍රණයෙන් ටික ටික ගෙන ගුලි සාදා ඒ මත නැවතත් හාල් පිටි කුඩු තවරා ගන්න. 

බෙලි බීම

බෙලි බීම

අවශ්‍ය ද්‍රව්‍ය 

• බෙලි ගෙඩි කීපයක් 
• වතුර අවශය පමණ
• සීනි
• දෙහි යුෂ
• ලුණු

සාදන ක්‍රමය 

• ඉදුණු බෙලි ගෙඩි පලා මද සූරා බදුනකට දමන්න.
• වතුර ප්‍රමාණවත් පරිදි එයට දමා හොදින් මිරිකා ගන්න.
• ඉන්පසු බ්ලෙන්ඩරයට දමා ගසන්න.
• පසුව එය පෙරා අවශ්‍ය පරිදි සීනි හා දෙහි යුෂ එක් කර ගන්න.

වටලප්පන්

වටලප්පන්

අවශ්‍ය ද්‍රව්‍ය

• හකුරු ග්‍රෑම් 250 යි
• බිත්තර 4 යි
• පොල් කිරි අඩු කෝප්ප 1 යි
• වැනිලා බිංදු කිපයක්

සාදන ක්‍රමය

• හකුරු හිනියට ගාගන්න. (කුඩු වන සේ කපා ගන්න)
• එම ගාගත් හකුරුවලට පොල් කිරි දමා හොදින් හැදි ගා මිශ්‍රකර ගන්න. 
• බිත්තර හොදින් ගසා ගන්න.
• ඉන්පසු හකුරු මිශ්‍රණයට බිත්තර ද එක්කර හොදින් මිශ්‍ර කර ගන්න.
• මිශ්‍රණය හොදින් මිශ්‍ර වු පසු වැනිලා බිංදු කිපයක් දමා ගන්න.
• අවශ්‍ය නම් මෙම මිශ්‍රණයට කජු ද එකතු කර ගත හැකි ය.
• ඉන්පසු මේ මිශ්‍රණය සුදුසු භාජනයකට දමා අවන් එකේ උෂ්ණත්වය සෙන්ට්ග්‍රේඩ් 120 - 150ක විනාඩි 15 - 25 තබා බේක් කර ගත හැකිය. නැත්නම් වාෂ්පයෙන් තම්බා ගත හැකියි. (වාෂ්පයෙන් තම්බා ගැනිමේ දි ඊට උච්ත භාජනයක් ද අවන් එකේ බේක් කර ගන්නවා නම් ඊට උච්ත භාජනයක් ද භාවිතා කරන්න.)  

කොස් මුරුක්කු

කොස් මුරුක්කු

අවශ්‍ය ද්‍රව්‍ය 

• කොස් මදුලු 25ක් පමණ
• පොල්තෙල් බෝතල් 1/4 යි
• සීනි ස්වල්පයක්
• ලුණු ස්වල්පයක්
• කහ ස්වල්පයක්

සාදන ක්‍රමය

• කොස් මදුලු ඇට ඉවත් කර තීරු කපා ගන්න.
• කොස් මදුලු තීරු කහ සහ ලුණුවල දවටා ගැඹුරු තෙලෙහි ලා රන්වන් පාටට බැදගන්න.
• තෙල් බේරා ගන්න.
• සීනි සාස්පානක දමා පැණි වන තුරු පත් ගාගෙන ඊට බැදපු කොස් එකතු කර හොදින් මිශ්‍රකර ටික වේලාවකින් ලිපෙන් බා ගන්න.

රුලං බිස්කට්

රුලං බිස්කට්

අවශ්‍ය ද්‍රව්‍ය 

• පාන්පිටි ග්‍රෑම් 125 ක්
• රුලං ග්‍රෑම් 125 ක්
• මාජරින් ග්‍රෑම් 125 ක්
• සීනි ග්‍රෑම් 125 ක්
• බිත්තර 1 ක්

සාදන ක්‍රමය

• පාන්පිටි, රුලං පිටි සමග මිශ්‍රකර හලා ගන්න.
• මාජරින් සහ සීනි බදුනකට දමා හොදින් ක්‍රීම් කරන්න.
• එයට බිත්තර එකතු කරන්න.
• ඉහත සදා ගත් මිශ්‍රණයට පිටි හා රුලං මිශ්‍ර කර ගන්න.
• තැටියක් ගෙන එහි මාජරින් තවරා මිශ්‍රණය තුනීකර සෙන්ටිග්‍රේඩ් 200 ක උෂ්ණත්වයකින් විනාඩි 15 ක් පමණ බේක් කර ගන්න.
• කැමති හැඩයකට කපා ගන්න.