සව් කිරි

සව් කිරි

 

අවශ්‍ය දුව්‍ය

• සව් ඇට මේස හැදි 4 යි
• පොල් කිරි කෝප්ප 2 යි
• සීනි මේස හැදි 3 යි
• වියළි මිදි මේස හැදි 1 1/2 යි
• ලුණු ස්වල්පයක්
• වැනිලා

සාදන ක්‍රමය

• සව් සෝදා බදුනකට දමන්න.
• ඉතිරි සියල්ල ද දමා මිශ්‍ර කරන්න.
• ලිප තබා මද ගින්නේ පිසින්න.
• දියර ගතිය ඉවත් වි මිශ්‍රණය ඝන වනතුරු පිසින්න.
• වැනිලා මිශ්‍ර කර ලිපෙන් ඉවත් කර අතුරුපස කෝප්පයකට දමා ගන්න.

jelly - ජෙලි

ජෙලි

අවශ්‍ය ද්‍රව්‍ය

• ජෙලටින් තේ හැදි 3 යි
• සීනි ග්‍රෑම් 150 යි
• වතුර කෝප්ප 1 යි
• වැනිලා ස්වල්පයක්
• කලරින් ස්වල්පයක් (කැමති පාටක් ගත හැක)

සාදන ක්‍රමය

• වතුර කෝප්ප 1/2 න් ජෙලටින් දිය කර පසෙකින් තබන්න.
• ඉන්පසුව වතුර කෝප්ප  1කට සීනි දියකර ළිප තබා උණු කර ගන්න.
• තරමක් උකු වුවාට පසු ජෙලටින් එයට දමන්න.
• වැනිලා ද දමා ශිතකරණයේ තබන්න.

How to make mango jelly - අඹ ජෙලි

අඹ ජෙලි

අවශ්‍ය ද්‍රව්‍ය

• අඹ ගෙඩි 20 ක් පමණ
• සීනි කිලෝ 1 1/2 ක් 
• වතුර

සාදන ක්‍රමය

• අඹ සැහැගෙන ඇටය හැර මස්  කොටස කුට්ටි කපා ගන්න.
• සාස්පානකට අඹ දමා එය වැසෙන්නට ඇති තරම් වතුර වත්කර හැදි ගාමින් නටවා ගන්න.
• සාදාගත් අඹ මිශ්‍රණය මස්ලින් රෙදි කඩකින් පෙරාගෙන අඹ ඉස්ම ලීටර් එකක සීනි ග්‍රෑම් 750 ක් පමණ එකතු කරගෙන හැදි මිටේ ඇලෙන තෙක් හැදි ගාමින් නටවා ගන්න.

ජුජුබ්ස්

ජුජුබ්ස්

අවශ්‍ය ද්‍රව්‍ය 

• සීනි කිලෝ 1 යි
• වතුර මිලි ලීටර් 500 යි
• ජෙලටින් ග්‍රෑම් 200 යි
• උණු වතුර මිලි ලීටර් 100 යි
• අයිසිං අවශ්‍ය පමණ

සාදන ක්‍රමය

• සීනි හා වතුර හොදින් කලවම් කර උණු කරන්න.
• පත් පැණි තරමට උණු  වුවාට පසු හැන්දකට ගෙන එයට පිඹින විට නූල් මෙන් විහිදේ.
• මෙය ලිපෙන් බා විනාඩියක් පමණ තියන්න.
• ජෙලටින් වතුරේ දියකර පෙරාගෙන ඉහත උණු සීනි දියරයට කලවම් කරන්න.
• තැටියකට දමා ශිතකරණයේ හෝ එළියේ පැයක් පමණ තැබු විට ඝන වේ.
• පසුව ඔබට අවශ්‍ය හැඩයකට කපා ගන්න.
• එම ජුජුබ්ස් කැබලි අයිසිං සීනි හෝ කෝන් පිටිවල පෙරලා ගන්න.

ගජුර් නැත්නම් සීනි මුරුක්කු ලෙසියෙන්ම හදා ගන්න

ගජුර් - සීනි මුරුක්කු

අවශ්‍ය ද්‍රව්‍ය

• පාන් පිටි ග්‍රෑම් 250 යි
• පොල්තෙල් අවශ්‍ය පමණ
• සීනි ග්‍රෑම් 250 යි
• පදමට ලුණු
• වතුර ස්වල්පයක්

සාදන ක්‍රමය

• භාජනයකට පිටි හලාගෙන ඊට ලුණු සහ වතුර ද එකතුකර අනාගන්න.
• පිටි අතේ නොඇලෙන පදමට අනාගත් පසු ලෑල්ලකට ගෙන බෝතලයකින් තුනීකර ගන්න.
• දැන් හතරැස් කොටු හැඩයට කපා ගන්න.
• මේ කොටු තෙලේ බැදගන්න.
• සීනි උණුකර පත් පැණි පදමට එනවිට බැදගත් කැබලි ඊට එකතු කර කලවම් කර ගන්න.

පාන් ටෝස්ට්

පාන් ටෝස්ට්

අවශ්‍ය ද්‍රව්‍ය 

• පාන් පෙති
• උකු පොල් කිරි කෝප්ප 1 යි
• ගම්මිරිස් කුඩු තේ හැදි 1 යි
• මිරිස් කුඩු තේ හැදි 2 යි
• ලුණු ස්වල්පයක් හා කහ ස්වල්පයක්
• බිත්තර

සාදන ක්‍රමය

• පාන් හැර අනෙක් සියලුම දෑ බදුනකට දමා හොදින් ගසන්න.
• කපා ගත් පාන් පෙත්ත බැගින් මෙම මිශ්‍රණයේ බහා පොගවා ගන්න.
• රොටි පුච්චන තැටිය ළිප තබා රත් වු විට පාන් පෙත්ත දමා දෙපැත්ත පුලුස්සා ගන්න.

කිරි පුඩ්ං - milk pudding

කිරි පුඩ්ං

අවශ්‍ය ද්‍රව්‍ය 

• සීනි ග්‍රෑම් 100 යි
• ටින්කිරි 1/2 යි
• බිත්තර 5 යි
• මුද්දරප්පලම්, කජු මද සහ වැනිලා ස්වල්පයක්
• බටර් ස්වල්පයක්

සාදන ක්‍රමය

• ටින්කිරි උණු වතුර පයින්ට් එකක දියකර ගන්න.
• සාදාගත් ටින්කිරි ද්‍රාවණයට සීනි සහ හොදින් ගසාගත් බිත්තර ද වැනිලා ද මුද්දරප්පලම් ද එකතු කර හොදින් ගසා ගන්න.
• සුදුසු භාජනයක බටර් තවරා ඊට මිශ්‍රණය දමා ඊට කුඩුකර ගත් කජු මද උඩින් ඉසින්න.
• සුදුසු රෙදි කඩකින් භාජනයේ කට වසා පැයක් පමණ හුමාලයෙන් තම්බා ගන්න.